Er du ungdom over konfirmasjonsalder? Då er Followme staden for deg. Me kjem saman fyrste mandag i månaden for å eta god mat, vera sosiale og bli betre kjent med kvarandre, læra om Gud og trua. Alt dette skjer utan at du skal gjera så mykje. Du skal berre koma, vera, lytta og læra - litt om deg sjølv, litt om Jesus, litt om å vera leiar.
Me deltek på Followmekonferansen (nasjonal konferanse på Sørlandet) kvar sommar, Followmeet (regional samling) ein gong i semesteret. I tillegg ønskjer me å dra på weekend berre med gjengen frå Nærbø.
Eit skuleår med Followme gjer verdifull erfaring du kan få god bruk for i livet, sjølv om me mest fokuserer på at dette er gøy og sosialt. Me ønskjer at samlingane er noko du bind deg til å vera med på og prioriterer. Det kostar 100 kroner i halvåret, og for dette får du god mat på kvar samling, leiartrenings-undervisning og alt det andre kveldane byr på. Weekenden vil ha eigen påmelding og eigenandel for dei som ønskjer å bli med.
Som deltakar på Followme blir du meldt inn i lokallaget vårt registrert i NMSU. På den måten får me Frifond-støtte frå staten, som saman med god støtte frå soknerådet gjer at me kan tilby dette så billeg som me gjer. I Followme kommuniserer me om oppmøte og annan informasjon gjennom appen Spond.
Har du spørsmål? Ta gjerne kontakt med Helge Bjørgaas Helle på email: helge.bjorgaas.helle@hakyrkja.no eller tlf: 93458132
Vårens datoer er:
03. mars
31. mars
12. mai
02. juni