Varhaug gamle kyrkjegard er ein freda kyrkjegard som
ligg nær havet i Hå kommune. Kyrkjestaden er frå
mellomalderen og blir rekna som ein av dei vakraste kyrkjegardane i landet.
Kyrkjegardskonsulent Helge Klingberg omtalar kyrkjegarden som eit jorde
med gravminner, eit steingjerde, himmel og hav. Det er det heile. Fengslande. Den første kyrkja blei truleg reist rundt år 1200, og fleire
forskjellige kyrkjer har stått på kyrkjegarden. Kapellet som står der i dag, Varhaug
kapell, blei reist i 1951. Kapellet er vel 15 kvadratmeter stort, og har
14 jærstolar til å sitje på. Det lille kapellet blir ofte brukt til vigsler.
Kapellet er ope kvar søndag frå Palmesundag til Allehelgensdag.